هل الـSEO يعني تحسين محركات البحث ؟ الجملة ديه صح ولا غلط
هو انت بتحسن محركات البحث نفسها ولا بتحسن ترتيب ظهور موقعك في محركات البحث .. يعني انت بتحسن ايه في الآخر .. إنت في الحقيقي بتحسن ال Rank في ال SERP.
يعني إيه SERP؟
يعني Search Engine Result Page يعني صفحات نتائج محركات البحث, يعني انت ما بتدفعش فلوس مقابل الـ SEO بشكل مباشر يعني ما فيش أداة معينة انت بتدفع لها فلوس عشان خاطر تخلي الـ SEO بتاعك حلو او كويس او تعمل Up ranking بشكل مباشر ولكن طبعا له مصاريف و بيتعمل فيه مجهود بشكل او بآخر ولكن مش زي الـ SEM.
يعني إيه SEM؟
الـ SEM اللي هو الاعلانات المدفوعه أو Search Engine Marketing يعني انا بستخدم محركات البحث عشان موقعي يظهر في أول نتيجة أيا كان انا بتكلم في ايه أو بقالي أد ايه موجود علي الإنترنت أو ببيع ايه … كل التفاصيل ديه.
حاجه تانية مهمة .. لما بتعمل بحث على جوجل بأي كلمه بيطلع في الصفحه الاولى عدد من النتائج … أول موقع أو الثاني أو الثالث أو أول أربعه حتى .. دول بيكون مكتوب فوقهم ناحية اليسار Sponsored Results.
يعني إيه Sponsored Results؟
ان الناس اصحاب المواقع دي دفعت فلوس وإستهدفوا الكلمه اللي حضرتك عملت بحث بيها عشان يطلعوا في الأول على أي وضع.
هناك بعض الكلمات مش بالضروره البحث بيها ينتج عنه إعلانات ممولة .. إنت ممكن تعمل بحث بأي كلمة .. من الطبيعي في أحيان كثيرة إن كل النتائج تكون مجانية يعني مواقع عاديه مش دافعة فلوس في الإعلانات و ده إسمه (SEO Optimized Websites)
من الممكن أن يكون هناك موقع أو إثنين أو ثلاثه ممولة إعلانيا .. يعني المواقع ديه عاملة حاملة بحث إعلانية (Paid Search Campaign) يستهدفوا من خلالها الكلمه اللي إنت بتبحث بيها .. وبعدين جوجل تعمل فاصل بين المدفوع والمجاني (خط رفيع). بعد الخط ده هيكون موجود بقيه النتائج المجانية (Organic Results).
الفرق بين SEO و الـ SEM؟
في الـ SEO .. قائمة النتائج المقترحة بتكون مجانية يعني ما بتدفعش فلوس عشان تاخد ترتيب كويس في نتائج البحث ولكن ممكن تدفع إشتراك شهري في بعض المواقع مثل:
يعني مثلا موقعي اللي هو Dr-Myoussef.com بيظهر بترتيب كويس في كلمات محدده أنا مستهدفها من غير ما أكون عامل إشتراك في أي موقع من المواقع الموضحه أعلاه.
ليه المواقع إللي بتظهر في نتائج البحث مرقمين من 1 إلي 10 .. أو بمعني أدق ليه الموقع كذا في النتيجه رقم 5 والموقع كذا في النتيجة رقم 7 و هكذا … ؟
طب السؤال الأهم هل الموقع رقم سبعه هيفضل طول عمره رقم سبعه .. الإجابة قطعا لا .. و ده عشان دايما بيحصل في تأرجح و تذبذب في الترتيب .. و هنا في سؤال مهم تاني .. هو التأرجح اللي بيحصل ده له أسباب .. أكيد طبعا له أسباب كتير أهمها سببين.
-السبب الاول :- حاجه اسمها الـ CTR أو Click Through Rate
يعني مثلا الناس بتعمل بحث بكلمة Digital Marketing Egypt 2026 .. فـ جوجل تقول لك ايه؟ تقول لك أنا عملت معاك واجب .و أظهرت موقعك في الصفحة الأولي في النتيجة رقم خمسة .. أرجوك حاول تكون علي قدر الترتيب اللي انا إديتهولك
الموضوع بيحصل كالآتي .. موقعك بيطلع رقم خمسه في الصفحة الأولي مثلا .. شكل اللينك إللي ظاهر أمام الجمهور جذاب لدرجه عالية تدفعهم للضغط علي موقعك .. ولما موقعك يستقبل نقرات وكليكات كتير .. الـ CTR تزيد و جوجل طبعا بتبقي شايفة الزيادة ديه.
يعني إيه CTR أو Click Through Rate؟
معدل النقر مقابل عدد مرات الظهور أو التكرار .. و هي واحده من أهم الـ Digital Marketing Analytics على الإطلاق.
– السبب الثاني :- حاجه اسمها الـ Dwell time أو Session time
يعني إيه Dwell time أو Session time ؟
يعني الوقت إللي بياخده كل زائر في تصفح محتوي موقعك.
و هنا في سؤال مهم .. هل كل واحد دخل الموقع أخد وقت في التصفح ولا دخل الموقع و ماعجبهوش و خرج منه بسرعة؟
فكلما كان الـ CTR عالي والـ Dwell Timeعالي .. مع الوقت بيحصل Up ranking .. طب لو العكس يحصلDown ranking
إستكمالا للمقارنة بين SEO و SEM
- في الـ SEO .. قائمة نتائج البحث مجانية .. يعني إيه .. يعني مش مدفوع فيهم فلوس .. لكن في الـ SEM إنت بتدفع عشان تكون ظاهر. خلي بالك انك تظهر في الصفحه الاولى على كلمات معينه دي مش حاجه سهله خالص وخصوصا لو الموضوع تنافسي .. وتنافسي هنا معناها ان موضوع المقالة أو مجال موقعك المنافسة فيه عالية و يضم منافسين بعدد كبير
- في الـ SEO بيحصل Keyword Optimization ولكن في الـ SEM بيحصل Keyword Bidding.
إيه الفرق بين Optimization و Bidding ؟
كلمة Optimize معناها تحسين .. يعني إنت بتبذل مجهود عشان تختار أفضل الكلمات اللي فيها معايير النجاح والمنافسة اللي ممكن تساعد موقعك انه يظهر في ترتيب جيد في محركات البحث ..
إيه هي معايير إختيار الكلمات المفتاحية ؟
– الكلمة عليها حجم بحث شهري عالي
– الكلمة عليها منافسة ضعيفة
– الكلمة لها علاقة أو مرتبطة بموضوع المقالة أو بمجال الموقع ككل
– الكلمة بيتم إستخدامها في إعلانات الـ Search
– الكلمة تتوافق مع الـ User Intention أو نية الشخص .. يعني هو داخل بيبحث عن معلومه ولا داخل يشتري حاجه
إذن المجهود اللي انت بتاخده عشان تحقق الخمس معايير دول في كلمة واحدة ده إسمه Optimization
ماذا عن الـ Bidding ؟
الـ Bidding يعني المزايدات .. يعني الكلمة بيتم المراهنة أو المزايدة عليها بكام من المنافسين اللي بيستهدفوها في حملات إعلانية ممولة.
– الحاجه الاخيره ف الـ SEO و ده عيبها الوحيد إنها عملية بتاخد وقت طويل .. لإن ما ينفعش إنك تعمل موقعك النهارده و تكتب المقاله بكره و تظهر في محركات البحث بعد بكره .. مافيش حاجه إسمها كده
الـ SEO بياخد وقت كبير قوي عشان العمليات الآتية (الكشف والزحف ومسح محتوي الموقع ومن ثم التصنيف والفهرسة و بعدين الأرشفة)
الوقت ده ممكن يبقي كم شهر؟ .. من شهرين أو ثلاثة أشهر و إنت طالع .. بس خللي بالك في الفترة ديه إنت شغال بشكل مستمر بتعمل محتوي عالي الجودة على الموقع بحد أدني مقالة واحدة في الإسبوع بعدد كلمات لا يقل عن 2000 كلمة أو 1900 كلمه بالظبط .. إذن يجب أن تأخذ هذا الكلام في إعتبارك عشان بعد شهرين أو ثلاثه موقعك ظاهر على الكلمات اللي انت شغال عليها بقالك شهرين أو ثلاثه.
لكن في الـ SEM الموضوع مختلف خالص .. المبدأ واضح وصريح .. لو هتدفع .. هتظهر في محركات البحث (حتي لو موقعك تم إنشائه حديثا من يومين مثلا) …. مش هتدفع و عايز تظهر .. يبقي لازم تشتغل بالـ SEO.
هل ممكن البداية بالإعلانات الممولة مباشرة تساعدني في تحسين ترتيب الموقع بشكل مجاني فيما بعد؟
لو انت لسه بادئ الموقع جديد .. الحملات الإعلانية اللي انت هتعملها مش هتساعدك في الـ SEO .. خليك عارف إن الـ SEO هو الأساس يعني هو اللي ممكن يدعم الحملات الإعلانية لكن مش العكس.
إيه هي أهم العوامل إللي بتساعد في سرعة أرشفة و تحسين ظهور الموقع في محركات البحث؟
– عمر الموقع (تم بنائه من كم سنة؟)
– الإستدامة في إنشاء المحتوي المعدل بالـ SEO
– عدد صفحات الموقع
– عدد المقالات في كل قسم من أقسام الموقع
– متوسط عدد الكلمات في كل مقالة
– سرعة الموقع
– الـ Domain Extension .. المقصود بيها هنا .. الموقع (com. ولا net. ولا إيه …. إلخ)
ما هو إسم الأداة المجانية إللي بنختار منها الكلمات وبنعرف إحصائيتهم؟
هي Google Keyword Planner وهي موجودة داخل مدير إعلانات جوجل وبتشتغل كالآتي:
لما بتعمل Optimization للكلمات .. إنت مثلا بتديله كلمه أو إتنين أو تلاتة .. يبتدي يظهر لك في الأفكار المرتبطة بالكلمات دي يعني هو مش بيظهرلك الأرقام الخاصة بالكلمات اللي انت إقترحتها عليه بس .. لأ ده كمان بيقترح عليك أفكار لكلمات إنت أصلا مفكرتش فيها .. يعني مثلا .. إنت تقترح عليه خمس كلمات .. يقترح هو عليك في النتائج 1000 كلمة. و هنا لازم نعمل فلترة للكلمات و إعادة ترتيب بشكل تنازلي من الأعلي جودة و الأعلي تحقيقا لمعايير الإختيار إلي الأقل جودة.
واحده من معايير إختيار الكلمات الناجحة أو الكلمات التنافسية .. (إن الكلمة تكون مستخدمة في الأعلانات المدفوعة) يعني الكلمه نفسها (في خانة الـ Bidding) موجود قيم رقميه للفلوس اللي اتدفعت فيها في آخر 28 يوم أو في آخر شهر.
و أنا بشتغل في الـ SEO و بختار و بفاضل بين الكلمات .. يهمني ان تتواجد قيمه لسعر الكلمة .. لكن لما بشتغل في الـ SEM يهمني القيمة ديه كم بالضبط .. فتلاقي كلمة معينة .. و أدامها في خانة إسمها الـ Low Range مكتوب فيها 5 دولار للنقرة او للضغطة وخانة تانية إسمها الـ High Range اللي مكتوب فيها مثلا 50 دولار للنقرة او للضغطة .. هنا بقي لو حبيت تعرف انت ممكن تتكلف كم لسعر النقرة علي كلمة بالسعر ده .. التكلفة التقريبية بتكون المتوسط بين الحد الأدني و الحد الأقصي يعني في الحالة ديه ممكن يبقي متوسط ال Cost per Click يساوي 30 دولار.. و ده معنى كلمه الـ Bidding انك تاخد في إعتبارك إنت هتدفع كام في الكلمة.
هو لو قلت إن الكلمة عليها بحث عالي .. ممكن يبقي عكس إن المنافسة عليها ضعيفة؟
لا مش عكس بعض لإن في حاجه إسمها الـ Gap Keywords .. بتكون واقعه أو منسية .. يعني مفيش حد من المنافسين واخد باله منها أو فكر فيها أو إستخدمها .. و الحالة ديه مش بتحصل في كلمة ولا كلمتين .. هتلاقيها في كلمات كتير جدا .. و في الآخر التحليلات ديه هتشوفها لو بتستخدم Google Keyword Planner هتلاقي خانة إسمها Search Volume أو حجم البحث علي الكلمة (بحدود رقمية معينة .. من 1000 إلي 10 الآف مثلا) و خانة تانية إسمها الـ Competition أو المنافسة علي الكلمة ( بتكون منخفضة أو متوسطة أو عالية) .. فــ طبيعي جدا إنك تلاقي العديد من الكلمات عليها حجم بحث شهري من 10 الاف إلي 100 ألف والمنافسة عليهم ضعيفة.